هذه رديه بين الشاعرين الكبيرين : مفرح الظمني (رحمة الله ) و عبيسان الحميداني.
وافقتني بسوق دعيج تمشـي وحدهـا=كنهـا القايـد اللـي ماشـي للسريـه
رقرقت بالعيـون وخامستنـي بيدهـا=وقلت يا كامل الاوصاف سمي عليـه
يا سلامي على اللي تو غـرر نهدهـا=من بنات المدارس ما نقـول بدويـه
يا عيون اشقر جول الحباري صردها=صاد وقم اربعين وكلهـن بضحويـه
او عنود من الرامي تقافـى جهدهـا=زوعت يوم شافـت ناقـل البندقيـه
واهني من مشت له بالرضا في وعدها=اشهد انه حضيض من تجي له هويـه
هاضني من تعرض له هنوف وعبدها=مثل مـا تعبـد الاصنـام بالجاهليـه
شافها وسط سوق ادعيج تمشي وحدها=طار عقله وهي راحت بلا مدرويـه
ابك عندك بنات مطير ما اكثر عددها=وش تبا يا مفرح في فتـاة حضريـه
اه ياللي عرفنا فصلهـا مـن بندهـا=بنت ناس يفكـون الطلـب والغزيـه
في نهار الملاقى مثل اهلهـا ولدهـا=يهدي الروح قـدام الجماعـه هديـه
ريحة المسك والريحان ريحة جسدها=مثل ريح النفل وسط الفياض العذيـه
كان سمر الليالي ساعدت في سعدهـا=نانسافر لـدار العـذب جـال الثنيـه
خذ مرد البيوت اللـي يكـدر نكدهـا=احمد الله قضيت اللازم اللـي عليـه
وسلامتكم