بسم الله الرحمن الرحيم
السلام عليكم ورحمة الله وبركاته
وبعد............
اهنئكم اولاً بقرب حلول عيد الفطر المبارك واهنئكم ثانياً بهذا المنتدى المميز الذي يضم تراث وامجاد قبيلة عتيبه الهيلا.
وكذالك اشكر واكرس الشكر الى المشرف الرائع ابن مشيب الذي دعاني الى الانضمام الى هذا المنتدى.
واليكم اول مشاركة لي وهي عبارة عن قصيدة متواضعة من قصائدي
الصحبه الي مالها ساس تنداس=تنداس ولا تنتهي بالفراقا
ولو ينبني بيتاً على خارب الساس=ينقض طوبه لين يصبح دقاقا
ولو تعترض شجره على مضرب الفاس=تنقص لو الماء تحتها يساقا
ومن لا يحكم هرجته قبل الافلاس=يصير ما له شان بين الرفاقا
ومن طاوع الحرمه يبا رفعة الراس=ترخيه لوانه خيار الدياقا
ومن صاحب الخايب على درب الادناس=يصير مثله للخطايا يساقا
ومن يعمل الحسنه يبا مدحة الناس=تضيع عند الله يوم الملاقا
ومن تابع الغلطه يبا قوت الباس=يزعل نفوس اهل الصدور الضياقا
ومن ضاع طيبه يوم الارياق يباس=ينسى بيوماً فيه ضرب وشقاقا
ولا قل ما في الجيب ماعاد تنقاس=قدرك بمالك لوسرقته سراقا