بسم الله الرحمن الرحيم
السلام عليكم ورحمة الله وبركاته
الشاعر ملهي بن ناصر بن فراج من الفراعنة من سبيع يقسم بأنه لولا ضعف النظر لما سمع كلام من نصحه في ترك الإبل
يا فاطري والله لولا قلة الشـوف=إني ما أطيع مكثريـن العذايـل
أون ونة واحدٍ من ورى الجـوف=يبغى المجي وأبطت عليه الرسايل
من حب خلفاتٍ شحمها له ردوف=يا زينها ترعى نبـات المسايـل
في مرقبٍ ما واجهت كل ملقوف=ولا دارها المقرود شيـن الفعايـل
هي شرعتي يومٍ كلٍ لـه شفـوف=أحبهـا وأرد فيـهـا المثـايـل
من لامني في حبها صاده صروف=وألاعسى تشمـت عليـه القبايـل
ماكني ألا مع هل السجن ماقـوف=من هم ذودٍ جاريٍ لـه هوايـل
يالله طلبتك ليل نـوه لـه قنـوف=يعوضنـا بمدندنـات المخـايـل
ماطره هتانٍ على البير مصيـوف=واللغف سيله إلى العدام متعايـل
لانشا مخيله راكدٍ مالـه زيـوف=ومجرى الحثم يم الدهاكيل سايـل
على المفاجر والمصافيح له نوف=صوب الخليج أدلى وجاله فعايـل