السلام عليكم ورحمة الله وبركاته
مساء الخير جميعا
هذه قصيدة الشيباني
بسم الله اللي ماغــيره
أبدءبترتيب القــيفاني
وأتشرف بالقصيده
يوم القيها بين أخواني
أمام الأمير العــادل
اللي مثــله ما يخفاني
أمام الأمير اللي له
مجــد شديد وعــنواني
عنوانه رمـز الكرامه
حفــــيد معزي لا هاني
عبدالعزيز أخو نـوره
يــعرف فــعله بالميداني
وأبن طلال اللي فعله
تشهد به كل العرباني
بأعمال البر اللي سوى
خير للقاصي والداني
عسى تطول به سنينه
فـي عـز وخير وأماني
آمين وقلها يالسامع
من قلب صادق ولساني
يامير الله يعلي شانك
شعبك ياتي لك فرحاني
يحمل مشاعر جياشه
من طيبك يا طيب العاني
وأنت مثل النهر الجاري
يروي منه اللي ضمياني
لأنك من بيت الشهامه
هـــــــذا بيت لكل داني
وأنتم حكام الجزيرة
اهل النخوة واهــــــل العاني
وأنتم ميزان العداله
وانتم مـــــزبان للــــــــــجاني
وانتم عزيتوا دين الله
في الماضي وغبر الأزماني
وانتم ينخاكم من جاله
هجمت غدر من العدواني
وانت شرفت اسم الدوله
شــــرفك الله بالأيماني
أسمك في كل المعموره
ما يخفى معروف وباني
ماشاءالله والله يزيدك
خــير وعـــز وأطمـــــــئناني
وانت طيب واصلك طيب
طيبك من طيب الجداني
ولو امدح منه لي بكره
مـو في حقك مهما كاني
وأنا جيتك والله أني
شــــاكي لوعـــة من زمــاني
جيتك سوات اللي جولك
أشتكي لك من دياني
مو هو ديان المنيه
ســــــميه ديان (ن) ثــــــاني
يراقبني بأقصى الحاره
لين أدخل على ورعانـي
ثم علق بوري بالشارع
وأزعجني وأزعج جيراني
واليا جيته يمسك جيبي
وأنا ما عندي طفرانـي
أشكي لله ثم أشكي لك
من دينن جوره أذانـي
وأنا مالي بيت بين
ما لي بيت ولا مسكانـــي
اترك حاره واسكن حاره
وانقل عفشي مع غرضاني
الرحاله ابن بطوطه
شبــيه(ن) لي في ما جاني
والموتر وارد عاراوي
رمـــــــز دايـــــــم للفقـــراني
تكفى تكفى تكفى تكفى
تكفى تكفى لاتنساني
الله لا يـــحرمك الجنة
قــــــاله خادمـــك الشيباني
===================================
وهذا رد الشاعر ناصر العتيبي
يقوووول
سلام الله من ضميري
عــدد همال الامــزاني
سلام(ن) من قلب(ن) صافي
ياصل للقاصي والداني
ومن بغاله علم (ن) بين
اليبطــي وهو ماتعداني
علم(ن) مايجي مع غيري
علم(ن) واحــــــــــد مالــه ثــاني
وانــا شـــاعــر يستهــويني
ويــطــربني جــزل الــقيفــاني
ويوم ان الــقاف اســـــــــتوالي
ســــقتـه واطلقـــت اله عــــناني
قــلت ابكــتب لــــي قــصيده
وابــــطرق طـــرق الــشيباني
لاكــني مدري وش اكتب ؟
ضــايع مع هــمي واحـــزاني
قــلت اتــغزل في خـــلي
واطـــــورق فيه الألــــــحاني
ويوم انـــــي بــرّ قــــت بــروحـي
الا انــــــــــــي بــلا خــــلانــي
قــلت أجــل مــاني مـــتغــزل
وبـــدور مـــوضوع(ن) ثـــاني
قــلت أجــــــل بــمدح لي حــــــاكــم
مـــــدح(ن) مــــا مــدحـــه انــــساني
ويــــوم انــي جـــــيت لــقصــيدي
ادور مـــــــــدح الـــــــجــــــدانــي
وليـــني مـــــخــطي ومـــقــصر
في مــــدحي فـــيهم يافــــلاني
مــدح (ن) ايتعـــــــدى جـــــدودي
يـــــقــطع من بـــعده الــــــــسانــي
قــلت أجـــــل ابا أوصف لي مــوتــر
مــــوتــــر تـــــصميم الــــيابـــاني
جــــيب (ن) مــــاشــفنــا مـــثيلـــه
من مـــــديــــله دوبــه جـــاني
ويـــوم انــي مــيزت بــعــقــلي
وعـــقــلي من عــرفـه ودانــي
اليــنه كــــــــــومـــة حــــــديد ٍ
مـــــــــابــه زود ولا نـــــقصــاني
قـــلت اجــل باصف لــي ذود (ن)
مــــاســـــاقه ابن فـــنيــساني
وضح (ن) مــــــابــعدهـــا ســيقت
وضح (ن) هـــــواهــــا يـــشعـــاني
الــيوم أبــشري لي نــــاقــه
وأشــــــري لي ابكـــــار وقـــــعــدانــي
ولا أشــــري غير الــمزيــونــه
ولا أنـــــــــــــــظــر لـــغــير الأزيـــاني
ويـــــوم انــي فـــتــّــشت المــــــخــــــبا
وليـــــّن المــــــــخـــبا طــــفرانـــــــــي
قلــــت أنا يـــالله دخــــــيلـــك
من فــــــقـــــر (ن) قـــــام يحـــــــــدانـــي
قـــلت أكــــتب قــــضـــايــــا الأمـــــه
واوضح مـــــاصـــار وكــــــاني
في فــــــــــــــلــسطين المـــــحـــتلـــه
والـــــــــعراقي والافــــــــــغــــانـــي
وأكــــتب مارتــكبه الــمجــــــــــــرم
من بـــــوش وشــــــارون الـــــــجانــي
ويوم انـــي فــتـّشت الـــــــخاطــر
وليّن الحــــــزن يحـــــــــشاني
لــــو بــــكــتب مــــــنا لا بــــــــكـــره
الـــــــــــعالم كـــله خــــربــــانــي
قلت اجـــــــــل باصف مــــقــــــناصــي
وصــف(ن) فــــــنان(ن) فــــنــــــانــــــي
يـــوم انـــــي جـــهزت الـــموتــــــــر
ومـــــتــفقـــد كــــــــل الـــــغرضــــاني
وشــــلت الـــبنــدق وســـط الـــعزبـــــه
ومـــــســـرحن مــــــــــع شـــــــيهــانـــي
كــــــــــني نـــــاوي في مـــقــناصـي
أذبـــح ســـــــــمين الـــغزلانـــــــــي
واخــــذنــــا قــــطـــعة لـــــيالــــي
ســـــبع ايــــــــــام (ن) أو ثـــــمانــــي
ورجــــعــنا بالـــــصيـــد الــــــــــــــــــوافـــر
ولا صيــــــد(ن) غــــــير الــــضــــــــــــبانــــــي !!!
ضــــب (ن) لامـــــني ذكـــــــــرتـــــــه
أي بــــــــــــــــــــــــــسم الله الــــــــرحـــــــــمــــاني
ايـــقشــط جـــــــــلدي من شــــــوفـــــــــــــــــــه
وحــــر ٍ .. مــــــــســـكون ٍ شــــــــــــــيطـــــاني
قلـــت أجــــل بــــــكتــب في وضــعــــــــــــــــــي
واعـــــدد مــــــــــــامـــــــــر وجـــــــــــــــــــــانــــي
من فـــــــــــقــر(ن) ذوقــني مــــــــــــــرّه
ومــــــــــــــن جـــــــــــوع (ن) غــــــــَـــز الــــــنيــبــانـــي
ومــــــن هـــــم (ن) لامني نــــــــسيـــــته
مــــــــــــــاظـــني هــــــمي يــــــنــــســـانـــــي
وابـــــشــكي مــن جـــــــور ســــنيـــني
وآثـــــري غــــــــلـــطان (ن) غـــــــــــــــــــــلطـــانـــي
شـــكـــوى على غــــــــــير الـــــــــــواحــــــــــــــد
ذل .. وتــــــــــــذلــيل ومـــهـــانــــــــــــي
قلت اجـــل بكـــتب نـــصيحــــــــــــــــــــــه
مـــادمــنا مــــــــــثل الأخــــــــــــــــوانــــــــي
ولـــــيا أكـــــثرهـــم مــــــايـــســتــنصـــــح
اللــــــــــــه يــــــــهديـــــــــــــه ويــــــهـــــــداني
لاجـــــيت وقــــلت اذكــــــر ربـــــــــــــــــك
ثــــم صــــل وخـــــــــــــــاف الــــمـــنـــــانــــــــي
قــــال انــــتــــه شـــــــــــــايـــفني كـــــــــافـــــــر !!!
والا شـــــــــــــايـــفـــني نـــــــــــــــصـــرانـــــــي ؟
ولا عــــمــره صلــــى فــــريـــــــــــــــضـــــــه
يالله دخـــــــــــــــــــــيلك تــــــحـــــــــمانــــــــــي
مــــادام انــــــه عــــــــاصي ربــــــــــــــــــه
هـــــــو يـــحــــســـبــــــــــــنه يــــــعـــــــصـــانـــــي
يــــامــــسكــين أرئـــــف بـــــــحــــــــــــــــالــــــك
مـــن نــــــــــــــار(ن) شـــــــــــــانـــــــها شـــــانــــــي
واخـــــتــــــام ابـــيوت ابن حـــــــــــافي
مــــــــاهـــــــــــي بــــبـــــيــــوت الــــــــــــشـــيبـــاني
صلـــوا على خــــــــــــــــــــــــــير الأمـــــــــــه
محـــــمــــد عـــــــــــــدد مـــــابانــــــــــــــي
نـــــــجـــــم (ن) الا ضــــــــــــاح بــــــنـــوره
وعـــــــــــــدد هــــــــــــــمـــــال الأمـــــــــــــــزانـــــي
وسلامتكم ،،