[بن مسعد الروقي]

قصيدة اللواء البحري الركن/خالد بن نايف بن مسعد الدلبحي
رحمة الله تعالى
في أفتتاح القاعدة البحرية بالجبيل عام 1401هـ في عهد الملك خالد بن عبدالعزيز


بسم الكريم ابداء اهلي بالوفود
اللي لفوا من كل قطر مشاركين
واليوم عيد وعيدنا جعله يعود
في كل عام الله يعيده سالمين
قولوا معي يامرحبا بطل الصمود
ليث المعارك حام صرح المسلمين
خالد عقيد القوم حزات الرعود
اسم شهد ضد الطغاة الملحدين
حليت من دار نطالعها سنود
فيها يقع قبر النبي والقبلتين
والله يعز الحكم في ظل السعود
حكامنا اللي للامانه حافظين
والزمره اللي حكمها ماهو يسود
اللي بحق العرب دائم جاحدين
اقدم بجندك ضدهم وانت محمود
جيش به الشجعان يغديهم طحين
وانتم يابو بندر اذا شب الوقود
ماتنهزم لو حربهم دامت سنين
معنا حماة العرش والرب معبود
ياكيف مانقدر على الحرب اللعين
هو كيف ابن صهيون يتعدى الحدود
يقدر على قبض الحناجر باليدين
مايعرفون الحب سودان الخدود
فيها شهاده للرجال المؤمنين
نحن هل التوحيد من عصر الجدود
يحز تحت اقدامنا اهل المشرقين
والغرب يشهد ان طلبناهم شهود
انا بني ساداتهم في كل حين
في اسيا وافريقيا مابه شهود
من مات يسعد في رياض الصالحين
والله قال الحق في في الكتب معهود
عشرين مؤمن يستحلون امئتين
جيش السعودي من فطاحلة الجنود
بالحق يصرخ ضد كل الظالمين
يحي سلاح البحر في عهدك يزود
يحم الشواطي لا يجيها الطامعين
قوات بحريه على صدق العهود
في امرة العاهل دواما جاهزين
وامر الفهد كيد العداء ابن الفهود
ويعيش عبدالله حريب الحاقدين
ويقودنا سلطان مفتول الزنود
القائد اللي في المعارك مايلين
في عهدك الميمون شف حتى النفود
تسعد حضاره عن عصور الغابرين
تحيى السعوديه على انف الحسود
للعرب ياقيه على مر السنين
وصلاة ربي عد من هل سجود
على محمد كاف المرسلين