بسم الله الرحمن الرحيم
السلام عليكم ورحمة الله وبركاته
هذه الرائعه للشاعر : مفلح بن غالب المريبيط المطيري .....
يها الهنوف اللي بياض بحمره=يا مترفه خليتي الناس قسمين
قسم صبر كنه على ضوء جمره=وقسم يغني ليل ياليل يا عين
بعض البشر مهديك روحه وعمره=وأدنا لعينك ناس وأبعد موالين
وضيع وضاع وحار واحتار فأمره=همه يصفق حيل وانتي تغنين
نام الضحى كله على شان سمره=يرجي متى يمه بيدك تلوحين
نسى حياته وسط لمه وزمره=ما يدري انك عقب وصله تقفين
ومضت حياته بين طمره وطمره=لا لد للداني ولا شاف الأقصين
همه اناست ليل بدر وقمره=كسبان غي خاسر في الموازين
ينطر متى يقطف من العمر ثمره=وتمضي عليه أيام وشهور وسنين
لاذاق عيش ولا تنقذ بتمره=وعقب الغنا عقباه للفقر والدين
من البطا ثوبه حصل فيه شمره=لا ساتر جسمه ولا مالي العين
والبطن من جوع الزمن فيه ضمره=والعقل فيه الهيس حد الملايين
لكن لو انه شرب كاس خمره=يصحى على صوت البكاء والمعزين
ويها الهنوف اللي بياض بحمره=من وين حتى وين ثم على وين