قافٍ بدابه وصل جاب الغرابيل
في فكر عودٍ سابحٍ في نهرها
عودٍ يحط البن والهيل والحيل
رزقه على اللي دار مدّيّن دمرها
ماحسب الدنيا وقل المحاصيل
واهل الوجيه الفالحه ماحقرها
يقدح زناده مع كبار الرياجيل
وفي غبة التسعين يجني دررها
وعن بعض شعار النبط سكر التيل
عن سلمها ودلولها ماقهرها
لكن يعشق نادرات المواويل
من شاعراً يقطف زهر من زهرها
شاعرعرفنا بعض شعره مع الجيل
مع شلوة الكفار نقوة جبرها
بقروبهم نقرا جزيل التماثيل
اللي على الشعار غالي مهرها
اقروبكم في الشمطري والاكليل
والرايه البيضاء عليكم نشرها
عيد بجاد بن شده