[هندي العطاوي]

قصيده في نجد وقبيلة عتيبه


يانجد ماني عن محبتك تايب = = = وحبك ماهو حب البني والحبايب

حبك فخر لأهل الفخر والمروه = = = وهبه من الله والمراجل وهايب

دايم لحبك فالضماير تجدد = = = يشب لو انه على حال شايب

وأن مات من بين المحاديب قبره = = = عوج الضلوع البيض فوقه نصايب

يانجد ماتسوا المباني بعيني = = = وردك ليا هبت عليه الهبايب

وريح الثمام اليا انتشر في فياضك = = = تطيب منه الروح والبال طايب

حيثك ميادين الشرف والشهامه = = = وحيثك مغن البدو وأهل الركايب

ماجيتي لربعي شريه ومنحه = = = جيتي على حد القنا بالغصايب

وحدب السيوف اللي تحذف المجوخ = = = اللي على مسلها الدم رايب

ودهم الفرنجي مفنيات السرايا = = = مضرابها يفجر عروق الترايب

ربعي عتيبه ملحقين المخلا = = = قومن على العاده تسد النوايب

أفعالهم تعرف ولاهي تعرَف = = = لاوقفت قدم الكتايب كتايب

مركاضهم رزق الوحوش الحديمه = = = اليا اعتلو بملافحات السبايب

سبَق مهارن ياردنَ المنايا = = = ولا على الضمرات عوص النجايب

كم راس شيخن حولوبه وحول = = = عادات ربعي في نهار الحرايب

يالين سادو في شفاك المسمى = = = وعدوهم يطرد سراب الجذايب

ياكم عقيدن عنك نحو ربوعه = = = وياكم أميرن عن مفاليك هايب

من المضيح لا حبر والغرابه = = = وسفوات والشبرم وجو الذنايب

للهضب والصاقب ووسعة عفيفي = = = لواد الرشا والسر وذيك الزرايب

مراتع الفطر طوال الغوارب = = = رق الرقاب مزهيَات الجنايب

اللي يجيهن بالجموع المهيله = = = يرجع وهو يسحب ذيول الغلايب

ويانجد انا ماشره على اللي يذمك = = = ولاتلحق الشرهه من الناس خايب

لكن اعد اللي ضميري يكنَِه = = = ولاني وكيل الناس مخطي وصايب


لشاعر / خلف بن جري بن حشاش القسامي