[محمد الغيلاني]

حولي فرح لكن عجزت اندمج فيه
والناس تضحك عن شمالي ويميني

مدري نتيجة ضحكهم غنج مع تيه
وإلا غسيل اهموم دايم تجيني

ان كان هذا الضحك من فرحة فيه
ف الله يهنيهم وانا الله عويني

وان كان تبدي عكس ما القلب يخفيه
فلا تعلمني بشي حي فينــــــــــي

انا على ما في ما قلت ياهيه
يظل عشق الصمت شفرة سنيني

المشكله قلبي عسى الله يهديه
مقفول رغم ان البشر تحتويني

ضيع هوى عمري وانا اقول له ليه
ويصد وافنى الود بينه وبيني

ودي يحب اصويحب مبتلش فيه
ويسهر كما تسهر مع النجم عيني

ياغربة الطيب الى قلت ما بغيه
من شان لاتمسح دموعي يديني

ومن شان قلبي لايجيني البلا فيه
واظل طول العمر صوتي ونيني

ياقلب ريحني ترى الليل يمديه
يبعده لاجي له ولا هو يجيني

بكره ترى غيري من الناس يشريه
ويظل لاهو حي ولا مات فيني

لكن ::::::::::::::::::

عندي امل ان الفرح بيت ببنيه
واكمل مع راع الحلا نصف ديني