قالت تحب وقلت أي والله احب=وحبي على وضح النقى يالهنوفي
تعالي اعطيك التجارب عن الحب=واكتب على صدرك معاني حروفي
تعالي اعطيك القصايد من القلب=وتخيري ثم اقطفي من قطوفي
خلي رياح الحب من حبنا تهب=ومركب غرامك في بحرنا يطوفي
جرح الهوى يازين ماينفعه طب=وقلبي انا لافه من الحب لوفي
نار المحبه في ضميري تلهب=يابنت هذي حالتي بس شوفي
أنام نوم الذيب بس اتقلب=أرجوك يالمجمول بحالي تروفي
أنا طريح الحب وحالي تصعب=وماني على غيرك كثير الحسوفي
خلي خفوقك من خفوقي يتقرب=ومن بعدها يازين لمس الكفوفي
هذا جوابي يوم قلتي لي تحب=وصارت ضروفك من طبايع ضروفي
قالت تحب وقلت اي والله احب=وحبي على وضح النقى يالهنوفي