[جهز سيف العتيبي]

[poet font="Andalus,6,darkred,normal,normal" bkcolor="transparent" bkimage="backgrounds/1.gif" border="double,5,sienna" type=0 line=200% align=center use=ex length=0 char="" num="0,black" filter=""]
الناس ماهمها وش كان مقلقني

"="الناس تبغا القصيد وتترك الباقي

هذا هو اللي مع اوراقي موهقني

"="لاجيت ابكتب همومي لجت اعماقي

الشعر مجتاحني والوقت يسرقني

"="من دفتري والسنين الشهب واشواقي

الهاجس اللي من البارح معلقني

"="على دروب السهر والضيق والشاقي

ان قلت هات القلم ماهوب معتقني

"="وان قلت خل القلم ما يطلق اوثاقي

ادور ارضاه لكنه يضايقني

"="طبعه يحب الزعل ويدور احراقي

ابواب طقيتها وابواب تطرقني

"="وابواب من قبل اجيها ينثني ساقي

في بعض الاحلام ما ربي موفقني

"="اموت عطشانها وتموت بحداقي

الصمت والليل والهوجاس يخنقني

"="لين القصيده تموت بموعد اشراقي

حتى اكذب الشعر عيا لايصدقني

"="من كثر مااحكي عن اجروحي وعشاقي

وياليت فاضي الورق بكره يطوقني

"="باللي نظمته من ابداعي على اوراقي

خاطي قصيده تجي مره تعانقني

"="تشرب قراح الغلا مع باقي انياقي

احطب لها من ضلوعي لين تحرقني

"="تستوعب اكبر همومي وابعد آ فاقي

تحمل صفاتي ومفهومي وتنطقني

"="الصوت صوتي وتاريخي وميثاقي

اجمع بقاياي فيها ما تفرقني

"="تبت يد الوقت ما يقدر على اغراقي

والناس ماهمها وش كان مقلقني

"="الناس تبغا القصيد وتترك الباقي

التوقيع / جهز العتيبي




[/poet]