من القصائد النقدية اللاذعة التي قرأتها اخيرا قصيدة
زميلنا الشاعر غالب الذيابي عضو منتدى الهيلا ..
وزارة الـتـعـلـيــم مــــــا تـــعـــرف الــطــيــب=مـع كــل طـالـع عام فيـهـا انتكـاسـة
مـــا عـنـدهـا لـلـجـيـل نــظــرة وأسـالـيــب=إلا الـــدفـــاتــــر والـــشـــقــــى والــتـــعـــاســـة
خمـسـيـن كـيـلـو وزنـهــا يـفـحـم الــذيــب=يـشـيـلـهــا ورعٍ شـــكــــى جـــــــور بـــاســــه
غــض الجـسـد لاشــك بـامـره ولاريـــب=حـمــلــه كـبــيــر ومـحــبــطه بــيـــن نــاســـه
عــامٍ دراســـي بـيــن ود الـكـتـب جـيــب=والله مــا لـومـه لــو طـلـع شـيـب راســـه
وده ولـو يمـرض مـرض بـس ويغيـب=مــــــن قـــلـــة الــرحــمــة وقــــــل الــونــاســة
حتى ايش لو حاز التفوق بتــرتــيـــب=لو جاب الأول قيل راجع قياسه!!.
حطوا له القدرات فالدرب تأديب= ظلم وحماقة لاجل تكبح حماسه
وأصــــل الـلـيـالـي عـلـمـتـنـا الـتـجـاريــب=وصـكــاتــهــا زادت رصـــيــــد الــفـــراســـة
والـمــدرســة مـاهـذبـتـنـا عــلـــى الــطــيــب=تـهــذيــبــنــا قـــــــــدام فــــصـــــل الــــدراســـــة
غالب الذيابي