السلام عليكم ورحمة الله وبركاته
هذه القصيده للشاعر عبدالله العصيمي ....
من قال بعد الدار ينيسك الاحبـاب=ومن صد عن عينك مع الوقت تنساه
قله يقول اللي تغربل وهـو شـاب=باسباب طفلٍ عذب القلـب واشقـاه
ماينسى حب الحبيـب ولـو غـاب=ولاتنطفـي نـار المحبـه بفرقـاه
كلام مـن قلبـه بنـار الهـوا ذاب=يجـاذب الونـات ويزيدهـا ... آه
له في بحور العشق ديوان وكتـاب=عنوانه العاشـق وجـرح المعانـاه
لا يابعد كـل القرايـب والاجنـاب=ما انساك دام الدم يجـري بمجـراه
واعاهدك بالله ياضـاف الاهـداب=عهـدٍ تعاهـدنـاه والشـاهـد الله
عهد المحبه ماهـي عهـود كتـاب=بنـوده الاشـواق والحـب معنـاه
ولاني بمن ينسى مواثيق الاحبـاب=ولو طالت الفرقا فـلا والله انسـاه
وسلامتكم
منقووووووووول