[مرزوق حمدان العتيبي]

	==================================== الشاعر ابن مطرود من كبار فحول شعراء قبيلة الشرارات بالقريات له نادره شعريه مرحه حينما ركب الطائره لاول مره يقول : وادعت ناجح من مطار القريــــــــــــــات = يوم ركبونا الطائره وشلعتنــــــــا لـــفت ودارت وامرجت بين لحظـــــــــات = لولا الكــــراسي والمحازم رمتنـــــا طـــاروا بنا حمـــر العلابي خواجــــــــات = زغل العيــون وجيــههـم هولتنـــــــا تكـــفى تشهــــد يا ( فهــد ) واقرأ آيـــات = الموت جــــانا والظروف اجبرتـنــــا جــانا المضــيف وقال وش فيه خدمــــات = قلـــت نزلــــونا بطونــنا عورتناا من قبـــل اشوف الغيم دون السمــــــوات = واليوم اشــــوفه يا فهد من تحتـــنـا عــز الله اني ما حسبت الحســـابــــــــات = والا تــــــرى سيارتي موصلـــتنـــــا يا زين ممـــشى الارض لو هي مسـافات = إلـــــنا بشعـــيب مجهــزين قهوتنـا وش جـــابني للطائره والمـــــطـــــــــارات = والله ما عُــو د ركوبــها إن نزلتــنا لو تنــــفجر قامت تذيع المحطـــــــــــــات = رح عاد دور قشــــــنا من جثــثــنــا

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD