احمد بن حامد الزايدي
أبيـع واشـري وادور لثميـن أشتريـه=والحمد والشكر للمولـى عزيـز الجـلال
واقدم أنا الجميـل المـن يحـب الجميـل=والقا الجزاء عند ربي يوم عرض الحساب
واللي زرعته لنفسي فأالنهايـه أحصـده =
سحيم العتيبي
من يكتب العهد يوفي به ولا يشتريه=اجل ميقاف ربعــي كل ابوهم جلال
والمخبر الشين ماينفـع بوجــهً جميل=كم شخص يورد ويصدر ماحسبوا له حساب
والذيب لــو كنت راعي بندقً رح صـده=
احمد بن حامد الزايدي
أبعطي اللي وعدنـي مهلـة وأحتريـه=والكامـل الله سبحانـه كمـل بالكمـال
ماشفت شيء بقي في ذا الحياه مستحيل=والمؤمن اللي يخاف الله من الأثم تـاب
يعمل عمل صالح ويقول أنـا برصـده=
سحيم العتيبي
لو نشعل النار بشعل في الغصن واحتريه=ياراعي البندق النيمس وراع الكمال
مافيه حيله على ربك ولا مستحيل=بعض العرب لاهرج كنه قرا من كتاب
مايهبط السوق بجمالا ولا با ارصده=
احمد بن حامد الزايدي
من عادتي ماقبل أنا الغش والا أدعيـه=وأخاوي اللي ينومس من زحول الرجال
مع أنهم في هذا الأيـام ضنـي قليـل=شياب والا كذالك يا السنافـي شبـاب
ياشين بعض العرب ياسحيم يامقـرده =
سحيم العتيبي
بعض العرب ماله اسماً لوبغيت ادعيه=ولو بغيت انسبه ماله في البر جال
مثل العمى اللي نوا في رحلته يلقى ليل=ياللي تشب الفتن وتزيد ولع وشباب
من طبعنا ماشرعنا البكرة المقرده=
احمد بن حامد الزايدي
معروف يا المدعي بالباطل ومحتويـه=فالك يارجال سيئ والله وأخـس فـال
ماتكرم الضيف حزت مالفى والدليـل=أنك ماعندك وسط بيتك والا أيت زهاب
وعليك دن الرعد وارسى أرعده وابرده=