قصيدة جديدة امل ان تحوز على رضاكم
لابوك يادنياً تعز الرخومي=وحطت على روس المطاليق عرقاه
صار الثعل فيها قوي العزومي=والذيب فيها سارحن كنه الشاه
امنولن مبداه عال الرجومي=واليوم جاه اللي عن الرجم عداه
ياذيب وقتك بان فيه الثلومي=ولاشوف لك ياذيب رجمن تنصاه
وكبدك من الايام قامت تزومي=مثل الدلال اللي على النار مركاه
دنياك ياذيب السرب ماتدومي=ورجمك يبي ياتيك يومن وترقاه
اصبر على وقتك وخلك جزومي=وهمك على رب المخاليق مشكاه
ولاتلتفت للي بهرجة يلومي=اللي وطاك اليوم ملزوم ياطاه
خله وخل مكثرين العلومي=اهل الردا والضعف رعايت الشاه
ارجو تنسيق القصيدة من المشرفين
دمتم كما تحبون