السلام وعليكم ورحمة الله وبركاته
اقدم لكم هذه الابيات وهي من قصيده لايتسع المجال لذكرها كامله
حـنا ليا من المواقف دعـتنا= نفرح رياجيل(ن) ونزعل رياجيل
وحـنا ليا من الدعاوي نصـتنا= انرجح الميزان ونعدل الميل
وحـنا ليا من البلاوي بلتـنـا= نجعل قوي الحيل ماعاد اله حيل
وحنا ليا جات الصمايل ثبتنا= افعالنا ماهـيب هـرج و دهـاويل
وحنا لو ظروف اليالي حدتنا= الضيف اله غير الشحم بن مع هيل
وحناالشيوخ الساطيه ماولتنا= جيلًً بثر جيلًً وجيلًً بعد جـيل
واللاش لوانه بهرجـه شمتنا= ماهمناهراجة القال والقيل
ثوراً يديـنـه لو بغى ماقوتنا= لا يحسبنه من هل الجيش والخيل
له مهنةًً ندري بها ماغـوتنا= جمع الخواتم فالصرر والمناديل
لو ترفعونه فوق قدره تحتنا= ماهوب من روس العرب يعتبر ذيـل
ليت الليال اب غـيبها علمتنا= عن موجز النشره وبعض التفاصيل
وناسن تبانا في اي حالًُ لقتنا= تريحوا بالله يا اهل الاقاويل
واليا سكتنا للمهبل وطتنا= لابد راع العوج يحتاج تعديل
وش حيلته لو كان فيه التفتنا = لكن حشـمـه لرجال المشاكيل
واليوم يوم العلم جاء من جهتنا= ابنشدالشعار عن طرق الازميل
وراع القصيد اليا قصد ماسكتنا= نوفي له المكيال ونزود الكيل