[فيصل مطر]

السلام عليكم

اخواني الافاضل اعضاء وزوار منتدى الهيلا عتيبه الشامخ بوجودكم,,,تعبر عن ماحتوت آمل انتحوز على رظاكم ودمتم طيبين

ماصابك الا أمرن مقـدر ومكتـوب=لاكــن لوزلـيـت لاتسـتـزلـي
يهون من جاله على اللاش ماجوب=ويظلـي الحـر الطليـع الاجـلـي
لاتكثر الترحيـب مـادام محسـوب=ولاعـاد انـا بمسلـم ولاتهـلـي
ولاني بفي حاجة تراحيبـك أبنـوب=الي مهي مـن خاطـرن مسفهلـي
ياصاحبي وافي لالا فيك عـذروب=مادام بك ماتستـوي صاحـب ألـي
حبل الدرك يسقط من العنق وأتـوب=وهوه مظلـن فيـك وانتـه مظلـي
دايم تشوف الناس من راس مشذوب=الناس تحتك وانـت فـوق متعلـي
تشوفهم من فوق ذرن على طـوب=دوب يتلحقهـم نـظـرك متـدلـي
طاير مطير الطير مبلـي ومذنـوب=ولاعـاد تدنيبـك حبـال المظلـي
مار اتجه في صوب وابا أتجه صوب=لاني بتبعن لـك ولاصالحـن لـي
دور وتلقاء لابس الثـوب مقلـوب=طير السعد ماهـوب ياطيـر يالـي
ون شفتلي خلقن مهب منك مرغوب=مانـب ابلخـق الكريـم متحـلـي
لويرتكيلك فالـردى كـل مذهـوب=ماطلـت راس النايـف المستقلـي
تراني اعرفك انت ماتعدتـدل نـوب=لان اتعـدى الـي رجاهـا مولـي
وبليس لاعبهـا ولاقيـك لاعـوب=تلعب طرب ومن الطـرب ماتملـي
لعبك أهجيني وابا العبك مسحـوب=للـي بصافيـة القـروح متسلـي

(فيصل مطر)

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)