«¤¶`تنفيذ الأعدام`¶¤»
----------------------------------------------------------------------------
طاوعت نفسي والمشاعر والأوهام
**********تامر عليّ النفـس وأقـول لبيـه
أسهر مع التفكير والنـاس نيّـام
**********وأحسب حبيب الرّوح مثلي يساريه
أثر الغلا نايم وأنا أعيش بأحـلام
*********وليته حلم وردي على قول راعيه
والله لنام أيام وأشهـور وأعـوام
**********بس الحلم يكمل وتوضح معانيـه
مير البلى حظي عثر بي ولا قـام
**********حسبي على حظي تلاشت مباديـه
شبهت حظـي بالتواريـخ صـدام
**********بعد الشجاعه كبّلـت كـل أياديـه
لا علم يشفع له مع طول الأيـام
**********كل/ن يذمه والعـرب مـا تدانيـه
لكن حقيقه عشتها بحلو الأنغـام
**********وقلبي على وتر المحبـه يغنيـه
وكل المشاعر والأحاسيس خـدّام
**********يامر عليها القلب وتخضع وتعطيه
حتى غرق بالحب ومن الهوى هام
***********وماعاد يبغى غير حلّـه وطاريـه
يزداد حبّه كل عـام/ن ورا عـام
**********حبّه بقلبـي راسيـات/ن مبانيـه
وفجأه صدر به صك تنفيذ الأعدام
********وإنهار قصر الحب واللي سكن فيه
وسلامتكم
جارالله بن خالد الشدي