يالله اني طالبك شربه هنيه من غديرالجنه=في نهارً كل مخلوقً يعرف حسابه
يالله انت اللي لك التوحيد والك المنه=وانته المعبود حكمك كلنا نرضابه
لجتي لجة خلوجن في ليال الكنه=الضمى ملويبها وحوارها في لابه
الذياب مراقبه لحوارها يبغنه=وانزوت من دون راسه لايجيه اذيابه
دافعت لين الريايا وصلت الحنحنه=وابركت قدام عينه مزريه منصابه
شافته يوم ادبحن فوقه بعد شالنه=واجهشت ودموعها مثل المطر صيايه
المشاكل احرقتني مثل حرق البنه=بنتً فوق الغضى والعود مس اشنابه
حطها في محمسه والنجر قام ايدنه=عازمن شيخ القبيله وخطروه انسابه
لونحر عشرين ناقه معتقد همنه=كنه اللي فالملاقى ماسكن مشعابه
اليالي تجعل المخلوق مثل الشنه=صوت قلبه صوت دلون في يد الجذابه
لوتحلواهن اليا طال الزمن يطونه=مايفكنه يالين انه يشق اثيابه
صح في عيوب واللي ذنوب واللي حنه=مثل حنة موترً راعيه مايرفابه
البنادم يذكر الله مايطاوع جنه=يقتدي بالمصتفى ويقلد الصحابه
من يدور لقمة الخبزه ورى بو زنه=لويموت من القهر والله ملوم اعصابه
شفتلي عالم غريبه والقلوب مصنه=الملامح صادقه وقلوبها كذابه
لوتشوف الرجل عينك والسموع اوحنه=لاتقول انه كريم ولاتقول الجابه
لان تفتح شاشة الجوال قبل الرنه=ولان تلقى المسلم اللي جالسً بكتابه
وشفت لي عالم غريبه كنها المستنه=كنها حشون تحرى موتر القصابه
ماتجيب الكلمه الا يقتفيها ونه=ونة اللي تمترح في ملعب العابه
التجارب علمتني كل شي وفنه=الشكاله ماتجي لك فالحياه نهابه
الشكاله جسر عالي مرتفع ماظنه=ياصله ياكود رجلاً حاسبً لحسابه
مايجيه اللاش لوماله يحمل دنه=لو رصيده ماتحسبه الة الحسابه
والتجارب علمتني من مشى بالسنه=مايهاب الموت لوانه يكشر نابه
اليالي لن تحدنه ولن حدنه=يدري ان الله كريم ولايسكر بابه
والوطن كل العمار الفانيه يفدنه=وياعسانا كلبونا فدوتن لترابه
والهدايه في هل التوحيد واهل السنه=والمشاكل كلبوها في وحوش الغابه