[ناصر المرشدي]

رز العلم فوق الطويل من الرجـوم.
خـل الهبـوب تلاعبـه بانسامهـا

عادة عتيبه فالمواقـف كـل يـوم.
ترف فـوق الطايـلات اعلامهـا.

لله در عتيبـه الهـيـلا عـمـوم.
والله يديـم امجـادهـا وايامـهـا

قوم" لكن والله ماهيب ايات قـوم.
لـو القبايـل حقهـا فاقسامـهـا

قوم" هقاويها تهـوم المجـد هـوم
ماكـن فالدنيـا حــد" قدامـهـا

للفرس معها فرس ولا الـروم روم
اوتاد الارض مع الجبـال اقدامهـا.

مجلاسها الغيم ومراكيها النجـوم.
وتكتب على صدر السماء باقلامهـا

من دونها كل الطيور اللي تحـوم.
وصولها فالوقت ضمـن احلامهـا.

امجادها مع غيرها مثـل الحلـوم.
ماتحصي الارقام مجـد ارقامهـا.

جينا وفزنا بالخيار مـن القسـوم.
وقفة زمـان العـام هـذا عامهـا

وسومنا فازت علىكـل الوسـوم.
تسوقها هيبـة عصـى وسامهـا.

فالملتقى حزنا على جـل الرقـوم.
يوم القبايـل لـه تشـد حزامهـا.

من خلقت الدنيا على الزومه نزوم.
اهـل العـرام مطيريـن عرامهـا.

ماهيب لحية يازباين مـن يسـوم.
البل عضام المال حنـا عضامهـا.

تسوقها الهقوه وتحماهـا العـزوم.
وترعي بهيبتنـا ديـار اخصامهـا

معها لنا تاريخ بالفـوز محسـوم.
شاشات ذكراهـا تعيـد افلامهـا.

من شانها عن طاري الراحه نصوم.
نرتاح معها لـو يطـول زيامهـا.

وعن كلمتن يهرجبها الجاهل نشوم.
يمـوت منهـا ويحيـا باسقامهـا.

من الحقايق مايضيق الا الرخـوم.
اللي يضيق من الحسـد هندامهـا

الفضل للمعبـود والـدار محكـوم.
والمملكه تنعـم بامـن حكامهـا.

من خير كف الجود مافيه محـروم.
لو كلمـة اللـوم يهـدر لوامهـا.

ماعاد باقي للفتـن حـض" يقـوم.
لفـت جنايزهـا بقطعـت خامهـا

الله يديم النـا الامـن والله يـدوم.
من في يده راي العرب وزمامهـا.

اقولهـا ياللـي تـردون العلـوم.
مانقصت قـدر العـرب واقيامهـا.

ماني بلامخطي ولانـي بمعصـوم.
شرهت حديدتها علـى لحامهـا. *




ناصر المرشدي

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde