محاورة كتابية لشاعر وشيخ قبيلة المناصير الثبته الشيخ غازي بن رجالله الاصيفر والشاعر عطيه المحمدي
بسم الله الرحمن الرحيم
السلام عليكم ورحمة الله وبركاته
صباح الخير/مساء الخير لأعضاء وزوار منتديات قبيلة الهيلا ...
نقدم لكم محاورة لأحد الشعار القداما لقبيلة المناصير الثبته وهو الشاعر الشيخ غازي بن رجا الله الاصيفر المنصوري والد الشاعر عبدالملك المنصوري مع الشاعر عطيه بن محسن المحمدي رحمهم الله بواسع رحمته واطال الله بعمر الشيخ عبدالملك
غازي الاصيفر ؛
سَلام ردِّيّة تنشر على مـن حضـر
ردية قالهـا الشاعـر وغنَّـا بهـا
على موامينكم وشيوخكـم والجبـر
والعين تنشط بعد ما شافت اصحابها
عطيه المحمدي ؛
يا مرحبا ياثبيتي عِـدْ وبْـلَ المطـر
لا سال سيله مع الوديـان واشعابهـا
بغيت اراييك مـا ودِّي يشيـع الخبـر
أنا معي صحبة ما ادري من انصابها ؟
غازي الاصيفر ؛
ياخي خل المصاحب لين يبدي القمر
كـل حجـه تبـي تلقـون كتابهـا
لكن أبا انشدك عن حبل عقد واستمر
راعي الفرايض فرضها ثم صلّى بها
عطيه :
اللي نبشرك به عُودَ الصحابه جبـر
وبعد بكره معك عيـن تحلَّـى بهـا
للحارثي حظ ليا من الإلهـي عمـر
واهل اللحى الطايله تابا على اشنابها
غازي:
لو كان ذمرت عنكم جيتكم من عصر
يعود نوحي علومك ونتسلـى بهـا
بيِّن عليَّه الدَّليله عقب هـدره فـدر
وانا اعرف إن الحضانا حدَّت أنيابها
عطيه:
التاجر اللي هبط ما صاد شي في المصر
هاذي علـوم ٍ بعيـده لا تهقـوا بهـا
لا تفرح بها يمن وتجيك عنـد القصـر
ولين مـا شـي ولا فيّـه اتفيـا بهـا
غازي:
لكن ودِّي تحـط الكـي فـوق الفجـر
حتّى الحضانا تشوف العوج في ارقابها
يعود تحمي ديركم عن دروب القشـر
واهل العلوم الرديه مـا تمنّـى بهـا
عطيه:
الجنب واحد ولا تحسبه مثل الحجر
من حيث وصَّفتني يا عسر مضرابها
لكن نبغي نثولثهـا بقيـس النَّظـر
هذي علـوم ٍ رضيناهـا لمرتابهـا
المصدر: منتديات قبيلة المناصير الثبتة الرسمية - من قسم: قسـم شعــراء القبيلة القدامــى