قصيده للشاعر / ســـعـــود المـــســـعـــودي
انا يابنت شجره واقفه ماهزها معصير = رياح الصيف لوهبت عليها ماتغيرها
انا يابنت لي منزال ماجاني بفعل الغير = ولي نفسٍ عزيزه عن هل المنقود ساترها
تعاتبني وانا وافي بتهمه مالها تبرير = غروري يوم اشوم بنفسي الحرّه واقدّرها
تمكنتي بقلبِ ماضمر للناس غير الخير = ولاعمره جرح للناس لو تغلط مشاعرها
احبك يالعنيده حب معشوق الولع للطير = حبك مثل ماتهوى القصيده قلب شاعرها
ابا اسمح عن خطا الزلّه مادام انك بعدك اصغير= تصفّح ماضي الايام لاجل الناس تعذرها
انا خايف عليك من الشكوك اتدمرك تدمير= تأكد من حقيقة ماتقوله قبل تنشرها
سحابة صيف مرّت لاتعكر جونا تعكير= ظروفِ يالحبيبه ما اعرف اولها من اخرها
تلوم اللي يشيل اهموم فوقه مثل ضلع النير= على الشدات صابر والبواطن مايضهّرها