[ابو فارس النفيعي]

اهداء للاخ القدير صاحب الوقفات المشرفه الصامده والجهود الجباره وبذل العطاء بكل وفاء في زمن قل فيه الاوفياء !!! الا وهو الاستاذ الكريم/ محمد بن عايض بن سعد السناني ( ابو فارس) فله الشكر والثناء &
اخوك/حامد حمدي @
_____________________
البارحه كن الهواجيس دافور"
والصدر له في نظم الابيات مشهاه"
كني بدار قاعها تو ممطور "
سحابها يومين هو ماوقف ماه"
وذكرت لي شيخٍ على البال مذكور"
لو غاب زوله لاحشا مانسيناه"
سلام ياصقر تسلسل من صقور"
ياللي ليا جات اللوازم لقيناه "
لا هنت يامحمد مجمل ومشكور"
ماخاب من يذخرك سيف بيمناه"
انته ولد عمي ولا انته بمنكور"
ابن الشجيع اللي طروقه مخلاه"
وقفتك وقفه كنها شعة النور"
وقفات قومٍ فاللوازم مسماه "
للخيل ركابه وللجرح دكتور "
واللي يسل السيف واللي بشلفاه"
والوقت مايرحم من عصور وعصور"
من طاح قدمه يامحمد توطاه "
ياكثر ماشفنا من العمي والعور"
ازوال اوادم فالحضاير مرباه"
واللي تقول انه على الرفق مجبور"
لاراح قلنا روحة مقيط ورشاه "
واللي سواتك ياابيض الوجه مخبور"
ماهو بحاجة مدحنا لو مدحناه"