السلام عليكم ورحمة الله وبركاته
اسعد الله مسائكم بكل خير .
اخواني الكرام .. رد على موظوع الشاعر الكبير عبدالله الميزاني ( سوار الذهب) والشاعر الكبير حبيب العازمي . واللي تطرقو له الأخوان وكثر فيه الجدل انه يوجد خلاف بينهم وان سوار الذهب مشا زعلان من الحفل وجاي ماهو معزوم . اقولها لكم الكلام هذا خالي تمامآ من الصحه ولم يحدث مثل هذا الكلام . انا من اهل الحفل وموجود وشفت بعيني ويشهد الله مابينهم الا كل أخوه ومعزه .. سوار الذهب مسافر للحجاز واهل الحفل اتصلو فيه ورحبو فيه واستقبلوه بكل حفاوه وترحيب . وكان جالس طول الوقت يضحك ويسولف هو وحبيب . ولعبو اجمل طاروق فالحفله بعيد عن العنصريه والمهاترات والسب والشتم . والكل يعلم ان حبيب وسوار الذهب عندما يتقابلون يحرصون على نجاح الطاروق بينهم والارتقاء بالملعبه . الحاصل ان سوار الذهب لعب مع حبيب اجمل طارووق وكانو على منصة الملعبه ويضحكون ويتمازحون في مابينهم . وعند نهاية الطاروق استاذن سوار الذهب واعتذر لبعد الطريق وتأخر الوقت . وكان في قمة ابداعه هو وحبيب . والكلام اللي قرأته لم تراه عيني لاأنا ولاغيري مع العلم اني طول المحاوره وانا جالس اسولف معاهم . فالأشاعات شئ اعتدنا عليه والكل يعرف . حبيب العازمي شاعر علم . وسوار الذهب شاعر علم ولايمكن يصير بينهم مثل هذا الكلام زياده انهم أقارب وتربطهم علاقه قويه جدآ جدآ فيما بينهم وبيض الله وحيههم على ابداعهم وبيض الله وجه الشيخ نايض . يشهد الله انه حفل مشرف بكل ماتعنيه الكلمه . ودمتم