[ابو سلامة الاسعدي]

مرثيتي بالشيخ عبدالرحمن بن عبدالعزيز ابن فهيد الاسعدي أمير التنومة بالاسياح
رحمه الله تعالى

ياشيخ أنا مابكيك من بد الانام
كل(ن) عليك دموع عينه مذاريف

ياشيخ تبكيك الارامل والايتام
ويبكيك عود(ن) مابيده مصاريف

وتبكيك روضة مسجدك خلف الامام
ويبكيك مسترفدك بالبرد والصيف

ويبكيك من ينصاك في حج وصيام
تعاهدوك تعينهم بالتكاليف

ويبكيك من ياكل تمر منك وإيدم
عودتهم ببلاش وقت المقاطيف

ويبكيك أهل من ينتظر حكم الأعدم
يرجون منك الجاه والمال للسيف

عشت وتحريت القدر طول الأيام
وصملت مايلحقك عيب(ن) ولا حيف

ورحت بعملك ورحمة الرب قدام
جنة عدن مابه كدر غصنه مريف

وابشر اللي عقب فرقاك مانام
حزن(ن) يعد الوقت من بعدك مخيف

دام الفهيد اسرة بقي منهم غلام
يكفيك ويخلي حياتك على الكيف

هذي عوائدهم على مر الأعوام
ساروا على درب المكارم مراديف

رحم الله الأمير رحمة واسعة واسكنه فسيح جناته آمين ... آمين ... آمين

* جريدة عكاظ 1433/11/3 * جريدة الرياض 1433/11/4