اخواني يسعد جميع اوقاتكم بكل خير تقبلو هالسامريه
والتي ار جو ان تنال بعض استحسانكم
شحت الارض بالما والسما اقلع مطرها=من ذنوب الوادم واليالي عسيره
يوم بعض الوادم ذمته ماوفرها=ذبها في مهب الريح واخلف مسيره
سلمولي على الي شيمته ماهدرها=حاجته يقتضيها من عليم السريره
لو تضيق عليه فجوج الارض وبحرها=غير رب الملاء ماله حداً يستجيره
واليال العتيمه ماتغيب قمرها=عقب ماهي ضلام ولينها مستنيره
وخبر الي عطيله نعمتاً ماوقرها=لايجيله نهار يصير عبره لغيره
ولايخلدعلى البيداثرياً عمرها=مرجعه حفرتاً تحثا عليه الحفيره
وفاز فيها عكاشه كلمتاً مختصرها=دعوتاً صادقه واصبح نذيره بشيره
ويوم بعض الوادم ذمته ماوفرها=ذبها في مهب الريح والخلف مسيره
الشاعر /عبدالعزيز بن حشيان