قصيدتي في الشيخ والاستاذ/ سعود بن خشمان بن شبلان
سلم على سعود ابن شبلان مثنيه=ياطيب بين العرب راسه ووقفاته
طيابته من عصورالجد جديه=ماجابه مثل غيره من شهاداته
ماجابها يوم جا عصر السعوديه=في وقتنا اللي طلع للناس بلهاته
وقتً عيونه حمر ويتابع الفيه=اكبر مؤشر خطر تشر علاماته
ايام مستذيبه وايام ورديه=وايام فيها الفتى يخشى على ذاته
والناس فيها زحول وناس عاديه=لكن هاتو سوات سعود لاجاته
كريم سبلا وفي راسه شهاميه=يعطيك عينه قبل يعطيك مداته
قدامه ابوه لاجا البيت طرقيه=يضحك حجاجه فرح والجود عاداته
وانا ليا شفت رجلاً فيه جديه=امجده وومدحه واذكر بطولاته
واليوم انا قلتها فسعود حصريه=والشعر وافق لها واصدر قرراته
سعود راع الوفى ساس وعروبيه=سيفً حدب رمز للامجاد سطواته
حراً ولد حر والعزوه عتيبيه=ماحط راسه هدف لعلوم عماته
يوم الردي ينحني في كل سريه=اوضح من الشمس في كل اتجاهاته
اليا هبد صدره لموضوع ياحيه=قوة دفاعه تسدك دون هجماته
ابا احتزم به حزام وحد جنبيه=ووصله هقوتي واشوف هقواته
اما نصيب الهدف مع صادق النيه=والا فلا يدرك الانسان مافاته