[عبدالرحمن المبطي]

الاخوة اعضاء وزوار منتديات الهيلا
السلام عليكم ورحمة الله وبركاته
يسرني التقاوكم مجددا بهاذه الابيات

زيادة الاسعار وجشع التجار

الزياده في الرواتب جات ثوره عالميه= والتجار مبرمجين اسعارهم على الزياده
كل تاجر زاد سعر بضاعته ميه بميه= والمراقب حط له طراحةٍ جنب الوساده
وين أروح من الغلا ياأصحابناهل المعقليه= لامكافح للفساد ولا جمل حطوا شداده
ضاعت الطاسه وصار القرص بيدينٍ شقيه= والسمن يطفح على موج البحر ماهي بعاده
كل واحد يدعي ويقول أنا سويت ذيه =والدعاوي بالجرايد نارها صارت رماده
الوزير مصرحٍ تصريح ماحل القضيه= جامل التجّار والتاجر مواصل في عناده
مادري عنا وزير ولاتمعن في الضحيه= راتبه ماشي وشرهاته وراكب بورماده
ياحليل الشعب في هذا البلد مبروك نيه= بذرةٍ مبذورةٍ لكن مالقيت سماده
مايجيد مظاهرات ولايعرف البلطجيه= مايعرف إلا الصناعيه وورشات الحداده
ياحبيب الشعب أبومتعب نخيناك بنخيه =وأنت راعي نخوةٍ صقراًمجرب في هداده
عاقب التجّارقبل يصير شعبك في خطيه= وأنت راعي للرعيه كل شئ تعرف ماده
ماقدرت اشري دجاج ولاقدرت اشري طليه= مابقي غير البقر قالوا جنونه قي زياده
والسمك شالوه تجّار البلد وأهل الحميّه= روحت به سفن لأصحاب المعالي والسعاده
شئ يشرى بالنقود وشئ يعطونه هديه= والفقير يموت في بيته معرض للإباده
القعود اصبح ذهب سعره يساوي للوقيه = مابقي شي ناكله غيرالزبيب ابو كتاده
مابقي غيرالجراد وضب في جحرٍرديه = ذابحه طردالشباب من الصباح الى الرقاده

بقلم الشاعر/ عبدالرحمن السلمي