[راعي الحنوى]

بالنسبه لمناخ الرضيمه كانت قبل السبيه (خفيسة المهمري) بعشر سنوات تقريبا , ودارة رحاها 3شهور
الاطراف : 1-بني عمر من سبيع فقط
2-العجمان والمعركه لهم ومعهم من مطير قوم الدويش فقط والدواسر والسهول
حدث مصامد بين الطرفين وكلن شبع من الثاني , والشاهد على ان المناخ مركب على بني عمر قصيده لشاعر من العجمان لم احفظ سوا ابيات

الجمع قلط مابقى الا شعاعه *** وضرب القديمي قدر اللي يوالون
بني عمر في حربهم سم ساعه*** لمن هزعناهم مره يعيون
يشدون فوح القدر وحنا قداعه *** نلطم شباهم كل ماجو يعيلون
واللي يبي مع عياله بضاعه *** قله يوصيها مع اللي يذلون

وفي الايام الخير كادو ان ينتصرون العجمان على بني عمر وارسل امير بني عمر انذاك يطلب مدد اي مساعده من ماجد ابن عريعر فارسل ابن عريعر نقوه من الفرسان يتراوح اعدادهم من 100 الى 200 فارس بقيادة واحد من شيوخ العريعر ولما اتاهم المدد وفي اول يوم انتصروا بني عمر على العجمان ...

هذا ما اعلمه والله على ما اقول شهيد , والسلام عليكم ,,,