اقتباس:
المشاركة الأصلية كتبت بواسطة خالد سفر العتيبي
ياناشدن من هو خويي من الآن
انا مخاوي مع تويتر على طول
تقول وين فلان وفلان وفلان
اقول مدري كن صاحبك مهبول
تنقد ماتنقد خل مناقدك مجان
ماليبها لو هي كبر دمخ وابو الهول
القى السوالف والنصايح وقرآن
اشلى من النمات والحش والقول
لاصار مجلاسي معك نقد شيبان
كنك ولد حاكم معك جيش وسطول
وش لي بمجلاسك ونا اعرفك جيعان
مرن على رجليك وحيان مشيول
اخاوي اللي خوته تقضي الشان
لاقلت شوف الدرب يعطيه بعجول
عنديلك الراي المهذب و مجان
اسجلك و تضيفني راي مقبول
ولاقلتلي تغريتن بعد الاذان
تسويلها رتويت والوجه مغسول
وسلااااااااااااااااامتكم
|
ههههههههه
الله يسعدك
صدقني لو يدرون عنك تويتر لحطوا قصيدتك دعاية
احييك جدا على هذه الفكاهة والجميل فيها انها من اول بيت الى اخر بيت كتبتها في قالب شعري جميل ومتناسق والافكار فيها متسلسلة ..بشكل رائع
اسمح بنقلها تحت اسمك اخي خالد
تحياتي لك