يأخادم البيتين حنا هل الدين
ناطاء على هام الخطر ما نهابه
نحماء وطننا من سموم الشياطين
ونموت قبل أحد •ن• يدنس ترابه
ياتاج حكام الدول والسلاطين
لاهنت ياراعي الشرف والمهابه
ياقرم ترجح بك جميع الموازين
تحكم بما الله أنزله في كتابه
واللي خلق ادم وحواء من الطين
واسقاء مجاديب الشجر من سحابه
دون الوطن نكسر خشووم المعادين
عهد ن نذر به واحد ن من شبابه
وأنا عتيبي من مويه المدارين
روقي مواريد المنايا تهابه
عاداتنا ماننهزم في الميادين
والموت من دون الشرف ياهلا به
عدونا لو فيه قووت ملايين
الشاهد الله مأحسبنا حسابه
الشاعر طالب العتيبي