السلام عليكم
وشهر مبارك على الجميع
العام في صدر الأمة جرح واحد ونتصبّـر علاه=واليــوم يا فزعة الرحمن من يقدر يعـد الجروح
جرحً نحصّـل دواه وجرح لا يمكن نحصّـل دواه=يسري مع الجسم شره ويتمكن لين يصبـح ذبوح
يا سالف الوقت يا ماضيه قل لي حاضره وش بلاه=عيـّـا يسجل بطولة واحـــــدة تذكر وعيـّـا يروح
انته تبســــــم وترسم للنصر صورة بكل اتجاه=والكتب صفحاتها كانت ولا زالت بطيــبك تفوح
نحيـــــاك داخل حيـاة وفيك معنى معتبرللحياه=فالقـــادسيـة وفاليرموك والا يوم فتــــــح الفتـوح
نسحب من حسابك البــــــاقي وندفع لليالي زكاه=لعلها ما تلوم الحــــــاضر اللي من خلوّه ينوح
يمكن بعد قرن والا اكثر يقـوم ويختلف مستواه=ويرد الانفــــــاس في مليار والا فوق مليار روح
ياقف على عظم ســـاقه ويتعين نجدته مـن يداه=حتى يشيـــد على جرد الصحاري من رصيده صروح
فيه الهقـــاوي ولكـــــــن الهقــــاوي ما تهــز الصفاه=ان ما تلتها محــاريف الشقردي والضمير النصوح
الآخرة صـــــــــح محتاجة من المسلم صيام وصلاه=لكن دنيـــــــــاه ما ينطح مواجبها قصير الشبوح
القــــوم عدت على سطح القمر واستنشقت من هواه=والشـاوي اللي تردت همته من حول ديس المسوح
وان قلـــــت قالوا موصى والموصى ما يباله وصاه=لكــن ريّح ضميرك من عنــــاه وخل قلبــك سموح