[ثابت الادله]

يوم كل برمضان اقبل يبارك
وكل مسلم يطلب المولى يعينه

في فطور الصايم القايم يشارك
وفي الصلاة مع الدعاء يرفع يدينه

هيضوا شعري عديمين المدارك
تربيت نسوان وحثاله مهينه

حرفوا شعر البطوله والمعارك
وجمعوا بين الضعيفه والسمينه

دام ابو هذال للدنيا يعارك
للكرم يندى وتندى به يمينه

انت ابوي اللي على العليا مسارك
دون دارك ما تغاليت الثمينه

مرخص(ن) حالك ومالك دون جارك
للكويت اللي بقت عذراء حصينه

رايتك بيضاء ومحفوظ(ن) وقارك
يعقب الثرثار مايقدر يهينه

والجبل شامخ فخر والثور بارك
وكل مخطي بالخطا فعله يدينه

والحبيب وشلته تقعد يسارك
ماذكر عبد(ن) كمل عقله ودينه

بط بطت بطة حبيب و راح تارك
صفحة سوداء لها وسم بجبينه

ياحرس تكرم بدالك مع شعارك
عن تطاول تافه(ن) فعله يشينه