[منبر اعلامي]

صح السانه

يالله عسانا قد هقوات الاصحاب=ويالله عسى الاصحاب قد الهقاوي
من طاب يلقاء عندنا حسب ماطاب=ومن خاب مانقص رصيد الغناوي
لاصار مال الرجل مبدا ومرقاب=ويطلع مطليع العديم النداوي
لاباكين موته ولا حزن ليا غاب=رجلن حضوره والغياب امتساوي
مايحزن لا موت عكفان الاشناب=اخوان من جارت عليه البلاوي
قطاعت الفرجه عريبين الانساب=ميرادهم للعد حبله رهاوي
غيثن على الصاحب وملفن للجناب=وعونن على جور الزمان الشقاوي
ماخاب ضني في هل الطيب ماخاب=كلن على واديه سيله نحاوي
اسمع كلام مجربن عارضه شاب=طبيب جرحن مالقاله مداوي

ألشا عر سعود بن بدرالشيبان العتيبي

آخر تعديل منبر اعلامي يوم 23-Jul-2012 في 01:48 AM.