سلطان الهاجري
تعال يا خالد اصرف من بيوت القصيد=لين ان الأقمار تشبع بك قنواتها
احرار الأجواد تبغى شي عند العبيد= اما لبن عنزها ولا لبن شاتها
خالد العصيمي
اصرف ذهب يا ولد هاجر وعندي رصيد=اما دنانيرها ولا جنيهاتها
انا لقيتك على الباب المطرف وحيد=لو جاك واحد بغتره قلت له هاتها
سلطان الهاجري
حطيت مستور في وجه الزلامي رشيد=وعتيبه الباقيه تدي تحياتها
تشهد علي مار رب البيت فوقك شهيد=اهل الحركات ماتمشي حركاتها
خالد العصيمي
يا عكرمه ماسمعت بخالد ابن الوليد؟=اللي كبار الجموع يسن راياتها
ان كان هذا كلامك هاك سيفٍ جديد= وضرب به القوم لين اطير هاماتها
سلطان الهاجري
اتريد ونريد ولله يفعل اللي يريد=والناس محدن بداري ويش نياتها
الديره اللي تهدد بالخطر والوعيد= وش لون نأمن عقاربها وحياتها
خالد العصيمي
خابرك إمام الجماعه في هذاك المسيد=لو لاك قامت تؤخر عن صلواتها
ماني بجاحد وانا محب كثر الجحيد=وقدر الناس لو ماحتاج مداتها
سلطان الهاجري
ماتحمد لله على النعمه ياعبد الحميد=الله يكافي من الدنيا وصكاتها
انته بعيرا مايصلح غير في يديك قيد=حتى الجمال الكبار تسوي اسواتها
خالد العصيمي
يوم ان كثر الحذر ياصاحبي مايفيد=ترى الشجاعه علاج الروح ووقاتها
لا تشبك الحر هذا حر ماهوب صيد= تعرف صقور الجزيزه من علاماتها
سلطان الهاجري
ماكل يومٍ على ماقيل لناس عيد=الله وكبر على الدنيا ولذاتها
حنا كتبنا نشيده غير كل النشيد= حتى الجماهير يمكن تحفظ ابياتها
خالد العصيمي
البس جديد اثياب البيض حتى تبيد= وترك هذيك اثياب اللي في طياتها
__________________________________________________ ____