[تركي الصفياني]

السلام عليكم ورحمة الله وبركاته

مساكم الله بالخير جميع

هذا طاروق رائع بين

حبيب العازمي - محمد العازمي

محمد العازمي

حبيب العازمي دايم على الشاشه
................................. من كبر حظه على الشاشه يعيدونه
العام حاول يجي في كرسي الباشه
................................. لكن اهل تركيا ردوه من دونه

حبيب العازمي

ومحمد العازمي في مسلسل قماشه
................................. مره يشيلونه مره يحطونه
العازمي دايمٍ واقف برشاشه
................................. ومزهبين البنادق مايصيدونه

محمد العازمي

احسن من اللي مايلبس غير دشداشه
................................. ماعاد تطلع ولا تنزل عن متونه
الحيه اللي بوسط الجحر وشاشه
................................تعيش وتموت وسط الجحر مدفونه

حبيب العازمي

اكلت ظهر البعير وباقي عراشه
................................ الله يسهل لكم ياللي تعرشونه
انت اجودي مهتدي والناس غشاشه
............................... والاجودي دايم العالم يغشونه

محمد العازمي

لا والله الزاد باقي ماحد ناشه
............................... مار انت وش محرمك ماتاصل صحونه
انا اعرف اللي من الاصحاب بكاشه
............................... مامن حبيب ولو تضحكلي اسنونه

حبيب العازمي

واللي يسكت ببسكوته وفشفاشه
............................... لا يحسبنه ملا بطنه وماعونه
.................................................. ......
.................................................. ......

محمد العازمي

اليوم منداش والافكار منداشه
.............................. ماباقي الا حبيب تبكي عيونه
حبيب اللي بوسطه باسط فراشه
.............................. وحنا نعبد الله ولا نقدر نخونه

حبيب العازمي

النار لن رمدت واش الحطب واشه
.............................. الجاهل اللي يدف الضلع بمتونه
لاوالله الا كمش فوقك بكماشه
.............................. وحسابك اللي بقي باقي بكرتونه

محمد العازمي

قدوركم فوق صلو النار غواشه
............................ الله يهنيكم بزاد تعشونه
روح محمد وتعبكم بــ مطراشه
........................... ماعاد يمدي على محمد تردونه