الموضوع حساس وحقيقة تبكي
لكن بقول للي يقول الراتب يكفي
احسبها افتراضا بمتوسط الرواتب نقول 9000ريال
الراجحي يأخذ3500ريال
الأجار1500ريال
البقالة 1200ريال
الجوال 250ريال وجوال المدام200ريال
الكهرباء150ريال
المغسلة 150ريال
البنزين200ريال
الإستراحة250ريال ولا أحد يقول مالها لازم لولا الله ثم هي كان الواحد انفجر من الهم
طيب وهنا حوالي 1000ريال مابين(قطة فطور العمل-وتمشية العائلة آخر الأسبوع-وغيرها)
الشايب يبغى أقل شي 1000ريال
لو الوالدة موجودة وكبيرة لازم خادمة والمكتب يأخذ 10000ريال وبعدها راتب 800ريال
الثلاجة تبغى لحمة تيسب1000ريال
المصيبة لوجاك ضيف وعزيمة تكلف 1700ريال على الأقل
قطة الجماعة صندوق وديات وغيرها قل 300ريال
السيارة زيت وغسيل وتصليحات400ريال
المهم هذه تقريبا صورة تقريبة لحالة الموظف المنتف
من غير قيمة شراء الأرض ومن غير التعمير الي يكسر ظهر القوي خل الموظف الضعيف
وغيرها بعضهم عنده ظروف تزيد من صرفيته ماذكرناها
لكن الله يعين ويبارك ويصلح ولاة الأمر
آخر تعديل محمد ناصر الأكلبي يوم 08-Jul-2012 في 03:25 PM.