[سعد المسـعودي]

ابيات متواضعه إهداء للشيخ : محمد بن مقعد الدهينه ،،
آمل إن ترتقي لمستوى الإستحسان ،،

بديت بإسم اللي عليه المقاسيم = عالم خفايا صبحها والأماسي
منشي من الغرّاء مزون المراديم =ومروي سناء بيدالسنين المساسي
بأمره حقوق اللي يسوق المزاهيم = ومدرج مسيله من علوّ الرواسي
وأنا على الحروه وشعري على التيم = مكاسر ٍ من لولو در ٍ وماسي
وأسطر من القول عرف ومفاهيم = قول ٍ يرحج مايجي بإنتكاسي
حق ٍ علي وواجب الحق تكريم = نور الوجيه بفرقها فالوناسي
الكيل يرجح من كفوف المحاتيم = ويقصر عنه منقودها والمساسي
وجهين مايعرف لها من تعاليم = تفرق عن وجيه البياض الدماسي
المجد عز وماخلد للمقاديم = ومراجع التاريخ مصدر وأساسي
اللي شهر في طلعته للمراجيم = وأصدر تجاريبه لمنهج دراسي
مقعد زبون المعضله والملاثيم = لانشفت أرياق الحلوق اليباسي
تقدم جنايز عزوته للمعاظيم =الموت قدره والشرف له ألباسي
لياأنتحى عنهم هريب المكاظيم = ماطاح منهم للحوافر مداسي
تبرد صدور ٍ من عناها مواليم =خنّاقها مكظوم من قو باسي
بشت السنين الجايرات المصاريم = يظفي على قاسيه من قو قاسي
واللي على الساقه سلايل صواريم = ترد المعالي مبعدين المراسي
ملاذ للناسي وريف المعازيم = يضحك سعدها فالحجاج الحماسي
يردون للطاله مناهل وأقاليم = عين ٍ نظرها ماقصربه نعاسي
واللي بمعروفه ملكني عن الظيم = من يعرفه للعز ماهوب ناسي
محمد ولد مقعد علي الملازيم = إنه محيط ٍ للكرم مايقاسي
المعضله والكايده والمثاليم = تارد سهايل عدلها عن عكاسي
رووس الأشده في حضوره معاديم = ولاله شبيه ٍ فالصداره رياسي
لأحتمت ميعادها بالمناديم = عنه المناصب فاهقه والكراسي
من هيبته كن المراجل مخاديم = حنكة ظفر من عرفها للسياسي
يطمح على العليا وعرف الشغاميم = يقلط كرامه ماأنفقهق للرساسي
سهيل نجم ٍ لابلج فالمجاهيم = يفرق بنوره مايجيه ألتباسي

أخوكم : سعد المسعودي
[ الحرالأشقر ]

التوقيع