[بجاد ابوديه]

انـظـرو فــي ذا الـزمـان وفـرقـوا بيـضـه وســوده=لا يصـيـب العـاقـل الـمـدرك مــن الاقــدار ريـبــه
الـزمــان اصـــل الـخـلـود بـكـلـبـو نـقـصــه وزوده=فـي وجـود النـاس والمخلـوق مـن رديـه وطيبـه
من صفات القبر ماتدري وش اللي في لحوده=تجهـلـه لــو ماعلـيـه تـشـوف مـركـوز النصيـبـه
واحــــدٍ مــاهــوب يــذكــر حــــيّ وتـمـجــد جــــدوده=في حضور الناس حاضر ميّر كَّنـه فـي مغيبـه
هاجـسـي خـابــرك دايـــم طـيــبٍ يـشـفـي وجـــوده=عن سواك من الكبار وعن سواك من الشييبه
منـت باللـي لا تضـايـق قــام يلـطـم فــي خــدوده=وأن شكى شكواه دايم تنطـوي فـي وسـط جيبـه
أنــــــــت يــالـــعـــد الــــرهــــاوي مـايـطــمــنّــه وروده=زود هـداجـه طـفــى صـافـيـه مـــن فـرعــة قلـيـبـه
في سموم القيض والكّنه وفي صالـي وقـوده=منـهـل للخـاطـر المشـتـان عــن ســو المصـيـبـه
مـا اشتكـى جفـواه حــيٍ كــل مــا يـاخـذ يــروده=سـارح الفيضـه وممسـي بالدجـاء تلعـت جذيبـه
ذعذعـت مـع طلعـت النـور الجديـد اليـوم نـوده=نوره اللي عان شمسـه مـن نظـر عينـه قريبـه
والحقـيـقـه يـــوم يـتـعـب واحــــدٍ يـكـبــر صــمــوده=فــوق هــمٍ يجـهـد المسكـيـن فــي هـاتــه وجـيـبـه
مـايـبـي قـولــة تـــردت عــــن مـواجـيـبـه جــهــوده=يسـتـحـي والا الـحـيـاه دروس لـلــرؤس اللبـيـبـه
فــي حــدود المعـرفـه والعـقـل يالعـيـن الـحـسـوده=مـيـزي بيـنـي وبيـنـك وأحـصــدي بـيـديـك خـيـبـه
الــعــرب مـاهـيــب تــنــزل واديٍ مــــالان عـــــوده=والصحيـح أن السنـيـن المسنـيـه دايــم تصيـبـه
واديٍ نـبـتـه عـــراد وشـــوك لـــو تـنـبـت حـيــوده=مــاحــداك الله عـلـيــه بـخــيــر يـــــاراع الـنـجـيـبـه
الــحــيـــا مـــــــالاح بـــراقــــه ولا دنـــــــت رعــــــــوده=فــوق ذاك الــوادي الـلـي فـيـه ماتـرعـا الذهـيـبـه
الـردي دايــم عـلـى الشيـنـات لــه نـفـسٍ تـقـوده=عادتـه ويشوفهـا قسـمـه ومــن حـوشـة نصيـبـه
واشهـدنّ الطيـب قسمـه والـعـرب تـرفـع عـمـوده=عن سفاف النقص واللي تلحق الوجه المعيبه

الشاعر بجاد ابوديه