بويتات
رد علي قصيدة شيخ الشباب عزارم
والله اني مادريت اني فقيده=لين شالتني مظاهير الليالي
زغرطيلي وافرحيلي ياسعيده=شاعر العتبان يمدحني لحالي
الله الله فالمريسه والعصيده=لايهمك شي ياعنق الغزالي
خلي الدخان يجذب له بديده=فالعزايم مانحسب للريالي
البعيده عندنا ماهي بعيده =نجعل الاقصي مثل قرب الموالي
وان خلصنا قابلي بنتس رشيده=ودي اكتب للعتيبي ماطرالي
ياسلام الله سلامن مايجيده=غير ابن عم الثبيتي والعوالي
ياعزارم يوم جريت النشيده=ماطرالي غير ابوزيد الهلالي
النشيده غصب نلحقها جديده=لين تقنع بدعة الرجل المثالي
بارك الله في قوافيك الفريده=حطت البسام من تحت العقالي