[مجري الهياب]

المشاركة الأصلية كتبت بواسطة محمد الدندون

مجري الهياب أذا أنت قحطاني أعتبر أبن شايق اخوك وابن عمك أذا كان عندك عرق حمياء رغم ان العيد تعرف لياليه من عصر ..شف عنوانك الذي كتبت عن ابن عمك ثم تكلم ..

واذا انت من خارج قبيلة قحطان أعتذر منك

تقول اني فاهم الشعر خطاء حبيبي اعرف الشعر واجيده ومن جماهيره

أنت اللي فاهم الشعر خطاء ودليل أسقاطك على ابن شايق وتقول بيت شاعر مبتدي تنسى تاريخ ابن شايق وابداعه .أبن شايق الشاعر القحطاني الوحيد الذي يدافع عن القبيله وتحداك وتحداك تجيب غيره .
عزيزي ملفي ليس ند لشاعر ابن شايق اطلاقآ جماهير ابن شايق تهز المعموره . ابن شايق رفض الحضور رغم انه دفع له مبلغ خمسين الف ريال غيره يحضر 2000 ريال وشف موال تركي واخذ العلم اليقين..

اعود الي بيت ابن شايق شاعر كبير وجماهير تهز البسيطه يلعب مع شاعر دوبه وهنا الفرق الشاسع لابد من بيت اي كلام ولو كان امام فهد العازمي الله يطول عمره ابوريان وامام الزلامي كان تشوف البيوت الصحيح ..
الزبده ابن شايق لايبدع ولا ينجح سوى حفلات قحطان كما اتمنى يامجري تحذو حذوه في الحمياء

انت الظاهر راسك ماهو عليك

وش جاب طاري الحميه ؟؟؟ انا ماني قحطاني انا ترى معجب ببن شايق قبل اما الحين لا والله مايعجبني والمفروض كل قحطاني يقول يابن شايق قف وحافظ على تاريخك اذا انت فيك حميه قولها

الصراحه مستواه نزل للحضيض

اما بالنسبه تقول ابن شايق مايبدع الا في حفلات قحطان هاذي حجه عليك واظهرها الله منك

يعني بن شايق في غير حفلات قحطان فاشل <<< وحنا الحين نقول في حفلة المطران هاذي فاشل وانت تقول لا يعني كلامك فيه تناقض

ومن كلامك يعني محاورة بن شايق عند يام مع الزلامي والغنامي فاشله ؟؟ هذا حسب كلامك

مشكلتكم يالجمهور المتعصب انكم ماتعرفون شي عن الشعر بس الصياح شغلكم وهذا غلط

وبعدين تقول جماهيريه تهز المعموره ياخي خاف ربك والله لو جمهوره جيش الصين ؟؟؟ لو تسال احد جمهوره وش معنى البيت قال مدري بس انه مبدع