(صامل العصيمي )
سلام الله سلامٍ من هجوس الشاعر البيطار = تحية للثبيتي بن هليّل ساكن السيلي ...!
أنا يابن الثبيتي واضعك في منزل الشطار = وأنا عارفك ياعثمان راس ولنته بذيلي ...!
(منصور الثبيتي)
هلا يامرحبا ترحيبةٍ ترفع من المقدار = تراحيبٍ جزيله وزنها يفرق عن الكيلي ...!
نيابه عن زميلي ياولد مرجع مع المحدار = وصامل ليش يهرج مختبر ب قياس تحصيلي ...!
(صامل العصيمي)
يدوم الك البقاء يالشاعر اللي مانت كالشعار = جزالة فايضة من جوف بيرك جم وتسيلي ...!
أنا شاعر وأخذت الدكترة ماني على الدوار = لونّك يالثبيتي رحت في حطة وفي شيلي ...!
(
منصورر الثبيتي)
ياصامل كيف تشبهنا وفيك احيان نقض افكار = تجيب علوم ماتنقال فيها الشكّ والميلي ...!
لاونّا نمدح أنفسنا طلعنا كلبونا أحرار = ولا تنسا بأن النار فيها وادي الويلي ...!
(صامل العصيمي)
أنا أدري لو دخلت الباب ماتعرف وش المظهار = أنا ماجبت غير اثبات مختومة بها دليلي ...!
أنا ماسكن بدارٍ غير داري في ربوع ديار = نقدم لك نصيحتنا تقول القوة بحيلي ...!
(منصور الثبيتي)
اشوفك تبني السيسان اشوف تَهدملك جدار = توقع لاتهدم البيت ماتلقالك مقيلي ...!
ليا هلت مزون الغيث مالك بيننا معذار = تركّد لا تجيب علوم تضحك جيلك و جيلي ...!
(صامل العصيمي)
هدمنا ساسكم ماله على الدنيا مقيم وخار = وأنا عارف ماغير جداركم ساسٍ وتبديلي ...!
ترى حلتك مافيها سفوح وتختنقها أخطار = عسى واديك يامنصور ينعش ثمٍ يسيلي ...!
(منصور الثبيتي)
ياكيف تهدم بيت العز بيت العز دونه جار = يقعّ اللي يقرب من جداره ( كيف تكميلي ) ...!
اشوف أن السحابه كل ماترعد تهل أمطار = ودكتورٍ تعب فيكم كشف بالدم تحليلي ...!