تواصلً مع هذا الصرح الشامخ بشموخ رواده
بعد وعكه صحيه مفاجئه.................
من واقعً جدد معاني جروحي=خليت مسحوبي يبكي حداتي
وسريت بين ادموع عيني وروحي=اعك وناتي وادثر شتاتي
ياللي بكيتو من مطيحي طموحي=هذي ضروفي يوم طقت حصاتي
منها.. بكيتو من بياض الصحوحي=وابها.. افتخر بعد السلامه بذاتي
اما لو اني في حياتي بطوحي=كان انسدح همي وشقرت عصاتي
ولحداٍ بكاني في حياتي نصوحي=قبل الممات وقبل حزن المماتي
جعل السحاب اللي دموعه تفوحي=يبطي عن اعيونٍ بكتني حياتي
في لحظةٍ طم الغموض الوضوحي=وقامت تراعد من غموضه شفاتي
بين الحياة و بين موتٍ يلوحي=واشوف سكراته ولاقدر وصاتي
يامضعف ابن آدم بعيد الشبوحي=وياقو قلبه رغم صعب الوفاتي
ابوماجد