[ولـد الـهـيـلا]

عزارم .. تركي .. ضامي
شكرا لكم

المشاركة الأصلية كتبت بواسطة طراد العصيمي

ويفداه حضر(ن) حولـوا عصـر بالسـوق
وابـــن رشـيــد الــلــي عــــن الـحـكــم عــيّــا








الطريف فالقصيدة انه غزى ابن رشيد على عتيبه فاخذهم ابن رشيد وكسر عتيبه

كعادة القبائل واكوانها قديما يوم لك ويوم عليك

فمرت الشاعره قمرا الدعجانية على ركبي لها لم يوخذ مع ذودها الي وخذ

فقال احد شمر بحر يابن رشيد للمره هذي تراها المرهوصية الي تفديك بخلها

قال ابن رشيد جيبوها وذهبوا لها وقالوا ابن رشيد يبيك يالمرهوصيه فجاءت لبن رشيد

وقالت وش تبا يابن رشيد

قال انتي الدعجانية الي تفديني بخلك ياقمرا

قالت احمد ربك يابن رشيد انا فديتك برجال

وشليويح العطاوي فداك بمره

وكانت تقصد بيت شليويح يوم يقول



يفدى عشيري من عظامه تشله
من البدو واللي يلبسون الحداري
وابن رشيد الشمري فدوةٍ له
مودع فراقين البدايد وقاري



واليوم تركت الرجال ونصيتني وانا مره

فضحك ابن رشيد وكعادة الشيوخ وعيال الحمايل قال ابن رشيد لشمر

ردوا ابل الدعجانيه عليها

فقالت يابن رشيد أنا مالي ابل وعتيبه لها ابل الحالها

ياترد ابل عتيبه كلها ياتاخذ ابلي معها

فرد ابن رشيد الشمري ابل عتيبه كلها

رغم زعل كثير من فرسان شمر

لانهم ماخذوها بسهوله

اخذوها بعد ان دفعوا مهرها من دمائهم وخيلهم

وهذا من جميل مايذكر عن ايام القبائل والاكوان


مودتي

الله ياطراد حي هالإضافه ياولد عاصم .. أول مره اعرفها وان هذه القصيدة سببت قصه
تقوله صادز ؟
إبن رشيد فاقعن قلوب العرب كلن يبا فرقاه لكن عز الله ان عتيبه وقفت له وقفة تبيّض الوجه يكفي انها القبيلة اللي لحقته بالهزايم وعيّا يطوّعها لحكمه ..
اهم شيء رجع حلالنا :d .. لاهنت ياطراد وبيض الله وجهك