حمود السمي
سلام الله سلام المسلم اللي دينه الإسلام=وروس المسلمين وراية الإسلام مرفوعه
يقولون العرب لو بوش يذبح ماحيا صدام=ولو صدام يحيا مات بوش ومعه مجموعه
حبيب العازمي(الكنق)
هلا يامرحبا والدين واحد والكرام كرام=وكلن فالوطن يرضيه من شكله ومن نوعه
ولا ياهل تربه وشانكم فسياسة الحكام=ياهل ناقه وهل نعجه وهل نخله ومزروعه
حمود السمي
يكثر الطيبين اليوم ولا الطيبين العام=ومن جاه التقاعد لاقعد كوع على كوعه
يقولون الحميه فالجمل لوكان فيه خطام=وحنامسلمين يهمنا المسلم وموضوعه
حبيب العازمي(الكنق)
نبا نمشي معك حسب المسافه والوعدقدام=وحنا نقنع الرجال مانمشي على طوعه
أعرفك فالديار اللي ورا ركبه تبن خيام=وخافنك تبى البنيان مثنيه ومربوعه
حمودالسمي
ليامنا مشينا شد من فوق الحزام حزام= ترا ماهي بطرقة يوم ولا ليل مقطوعه
حبيب لويحذرنا من البنيان مايلام=عيونه ترمش بسرعه وقلبه يضرب ضلوعه
حبيب العازمي(الكنق)
على الله يارجالٍ تلبسون العلم لبس الخام=تبون المرجله والمرجله فالغيب مطبوعه
أعرفك للجدر تبني وجالك للجدر هدام= على وسق الثرا اللي نطق المرار جربوعه
حمودالسمي
طمعنا فالرجال وفالمرجال شرق ولا شام=وبعض الناس طماعه وبعض الناس مطموعه
تقول حلم ولاعلم عند مفسر الأحلام=مواثيق الحقيقه فيه مرئيه ومسموعه
..
وسلامتكم يالربع وسلامة الشيخ!!!!!!
(ولاعلاكم أمر ياحلووووووين ماهو البيت اللي تشوفه مسكت)