[ابو ضيف الله]

الاخ الباحث عن الحقيقة اسمح لي ارد على النقاط اللي ذكرتها وهي:

1 الرجل عزوبي في بر ولا عنده ذبيحه ولاعنده مستلزمات الطبخ من قدور وحطب وغيرها ولا عنده احدا يطبخ له وفي مثل هذه الحالات الرجال العوارف يعذرون الرجل حسب وضعه ولايشرهون عليه بواجب 0

اولاً جميع اهل البل اللي عند عزبهم إلا النادر عزوبيه -ان صحت هذه الكلمة- يعني ما حد اهله معه وكلهم يطبخون ضيفهم اما عن طريق الرعيان او بانفسهم وهذا شيء بديهي ومعروف عند الجميع.

2 المدعوون الى عزمهم يبعدون عنه في البر ولايعرفهم وحاولوا اقناعه وعدم الاستجابه له ولكنه الح عليهم وقام يحرم ويحلف عليهم فجاملوه واستثوا له 00

ثاني شيء يا الباحث اهل البل والبدو عامة اذا جيتهم في مراحهم او قابلوك في البر ما يخلونك تروح لين يضيفونك وهذي من سلوم العرب اللي اسائل الله ان لا تنقرض الفقير منهم والغني الصغير والكبير وانت ذكرت ان الرجل مشهور واكيد انه مقتدر وما يرضى على سمعته وعلى ما قال المتنبي:

لولا المشقة ساد الناس كلهم *** الجود يفقر والاقدام قتال

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين