اقتباس:
المشاركة الأصلية كتبت بواسطة نسل عساف
الله يرحم من وحد هذا البلد وشيّد ركونه على الطاعه والعز الاسلامي ..
تكوون نبي القصيده كامله ..
|
أبشر
الذهب مصهـور نكتـب به قصيـد=والحـروف المـاس والقـاري قـرا
نشعـل الرشـاش بالجـو الجلـيـد=ليـن قـدح النـار بالضلمـاء يـرا
ونفـرش الازهـار والـزل الجديـد=مـن اسافـل نجـد ,, لاطلعـة كـرا
والمشاعـر وسـط قلبـي ماتحيـد=عـن محبـة مـن نبـاه امعـطـرا
شيخنـا عملاقنـا الـحـر الفـريـد=ما لنـا مـن دون سلطـان اومـرا
من زحول الـرأي بالـرأي السديـد=شيخ برقا و روق وابهـم يظفـرا
ياعميـد الطيـب ماغيـرك عمـيـد=عـزنـا زيزومـنـا الغضـنـفـرا
مزبـن الفخذيـن ملجانـا الشـديـد=الـذرى بالله ثــم ابــك الــذرا
طيب راسك يـودع المبغـض نكيـد=زاد غيـضـه والـمـزاج امعـكـرا
غالـي ٍ ياشيـخ والـرب الشهـيـد=حبكـم بالـدم مـجـرا,, الابـهـرا
ياسلالة مـن علـى البيـدا , تبيـد=بالصـبـاح وبالهـجـاد الاقـشـرا
وياسلالـة مسكـة الحربـه تجـيـد=اخبـرا , بالديـن والحـرب اخبـرا
مسلمـيـنٍ مؤمنـيـنٍ ماتـكـيـد=مـن مشاهيـر القبـايـل والــورا
ودي أوجز موجـز الماضـي التليـد=من علـى عصـر الرسـول النيـرا
امـة الاسـلام شرفـهـا الوحـيـد=بالرسالـه يـوم حلـت فـي حـرا
حطـم الاصنـام وابليـس المـريـد=واصدعـوا بالـحـق والله أكـبـرا
واشرقت شمـس الخلافـه دون قيـد=والخليـفـه بالجـنـان امـبـشـرا
طهروهـا مـن البراثـن والصديـد=عـزوا الاسـلام بالكـون اجـهـرا
وصال بالصـولات عامـر والوليـد=لين كسرى الفـرس قفـا , وأدبـرا
وسـارت الايـام عيـدٍ بعـد عيـد=مـن عصـور ٍ فـي حلاهـا تبهـرا
بنوا اميـه عصرهـم عصـرٍ حميـد=سطـر التاريـخ عنهـم مـا افتـرا
والعباسي عصـر هـارون الرشيـد= ارتكـا , لـلـروم مــا تقهـقـرا
ودارت الافـلاك فـي جهـدٍ جهيـد=بيـن عـز وبيـن رجعـه لـلـورا
ثـم اعـوُد للجزيـره مـن جـديـد=اذكـر اللـي بالجزيـره قـد طــرا
قرننا الثالـث عشـر شرحـه يزيـد=وقرننـا الرابـع عشـر مـا يستـرا
يوم كانـت للقـوي الصايـد يصيـد=وش جرا , في نجد اسمع وش جـرا
شيوخنا فـي نجـد تفعـل ماتريـد=عافـوا العـدوان لــذات الـكـرا
اسرة ٍ فيهـا الزعامـه مـن بعيـد=كل شيـخ ٍ فيهـم ادهـى واخطـرا
مانسينـا شيخـة الوقـت المكـيـد=ذكرهـم جـوف القلـوب امسطـرا
تركي اللـي سيًـر الحشـد الحشيـد=مـن بحرهـا لا بحـرهـا يـذكـرا
امطروا برماحهـم مثـل الاسيـد=وسـالـت الـوديـان دم ٍ احـمـرا
وقـرروا مـن بعـد حلينـا الشديـد=بالسيوف الحـدب غصـب امحـدرا
وفي نهـار الكـون شيبنـا الحفيـد=وانتصـرنـا فالنـهـار الاغـبـرا
وجدك اللي حاز في نجد الرصيد=ابـن هنـدي فـوق نجـد مـومـرا
محمـد اللـي لاطبـخ دم الـوريـد=بالمـعـارك مايـهـاب ويخـسـرا
ويوم حذف الروس من دون اتعديـد=الجماجـم سـودت صفـر الـعـرا
أحكم القبضـه علـى نجـد الوقيـد=من يمين ومـن يسـار ومـن , ورا
تشهد الدوشـان واشيـوخ الرشيـد=والصحيب اللي عن اصحيبه سـرا !
ومن عجايب دنيتـي بـرج الحديـد=بـرج ايفـل بالعجايـب يخبـرا
ومن عجايـب نجـد عفـار ن عتيـد=شيخنـا اللـي بالاعـادي يعـفـرا
واطول احروب الاصايـل والعبيـد =بـارده في حرب شعب انجلـتـرا
واشرس احروب الميسًـر والزهيـد=حربنـا فـي نجـد نـار ٍ تسـعـرا
وعمك ابن بجـاد لطًـام الضديـد=مجلـي الاشـراف مـن ام الـقـرا
ساق حسين مـع الفيافـي كالمعيـد=وأنهـزم للشـام والجيـب انـفـرا
باربعينـات اول العـهـد السعـيـد=ان درى التلـمـيـذ ولا مـــادرا
الحقـايـق ماتغـطـا , بالجـريـد=والعـلـوم الطايـلـه ماتـنـكـرا
والفعايـل تجلـب العلـم الوكـيـد=والمـلاحـم ماتـبـاع وتـشـتـرا
والصغـار اصـغـار والله ماتفـيـد=ماتكبًـر لـو , عليـهـا مجـهـرا
وكـل شيـخ ٍ دون ماجوبـه عنيـد=ومن يـذم الخلـق ينشـب فالغـرا
ودمـت ياسلطـان بالعمـر المديـد=ويرحم الله مـن دفـن تحـت الثـرا
ماحـلا بـدع المثايـل والنشـيـد=و اسمحولـي كـان قافـي قـصـرا