[عثمان الثبيتي]

الله اكبر يا لغزال اللي لقيته بالحويـــــه = لابسً شفاف ومضيق على الجسم العبايـــــــه
شفت فيه الزين كله والحلا واكثر شويـه= قولة احلا من حلو في حضرته ماهي كفايـــه
والله انه شكل خلي يشبه مثله حليـــــــــه= استثار احساسي المرهف وجدد لي عنايـــــه
حين شفته ذكر القلب المعنا في خويـــــه= استعدت الذكريات من البدايه للنهايــــــــــــه
ذكرياتً رجعتني للعلوم الاوليـــــــــــــه= حولـــتني بعد ما انهيت الطريق من البدايـــه
ردت الحب القديم اللي رحل عني نحيــه= استعدت اللي تعدا من خلايه في خلايــــــــه
رجعتني حسبها الله للمعاناه القويــــــــــه= ولعتني وانكبتني واطعنتني في حشايـــــــــه
وعذاب اللي تولع في غرام الاجنبيـــــــه= كيف يلقاله وسيله توصله قصد وغايـــــــــه
غايتي لومره احصل لي على شربه هنيه= شربةً تهنابها روحي وتروي لي ضمايـــــه
لاتلومون المولع بالحلا والنرجســــــــيه= قدروا وضعي بحبه واسمحولي في خطايـه
الهوا من ديرة عتيبه قـــــلع هضبة طميه= لين صارت قصةً تحكيبها البدو وروايـــــه
يالله انك لاتواخذني بذنب ولا خطيـــــــه= ياكريم الوجه يامعبود طابك الهدايـــــــــــه

عثمان الثبيتي

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه