[!! . مــآجـد . !!]

رجالهم بـ اللقاء يقهر ** شوق العنود الهواويه



الله يذكر بالخير ي ابو هذال > مافيه مثلك بالشعر الحماسي

يا دار ما تقتحمك الأنـس والجنـا **دونك عيال تفادي عـن مواطنهـا
ذباحة الحيل وأهل الهيـل والبنـا ** نطاحـة القـوم حمايـة ظعاينهـا
في سوق جاتك ماهوب بسوق هونا ** تحمى علمها وإلى ماتـت يكفنهـا
إن دندنت طبلـة الحـراب دندنـا **بآيات حق علـى وبـلال دندنهـا
كم من حريب تورط فـي حبايلنـا **حبايل من اسلوب الحرب نتقنهـا
جاك امتنكس ويخسر من يراهنـا ** مثل الذبيحة بأسافلها نكـر عنهـا
واليادعا من يشيل الحمل له شلنـا ** ارقابنا في حياض الموت ترسنهـا
وحنا على جبهة الغـازي تكامنـا ** حاضر بحاضر عدانا مـا نداينهـا
وحنا ليا عدت فعول العرب حنـا ** انساند العـرب وندعـم تضامنهـا
وحنا اليا انحلت الآسـرة تعاونـا ** وقمنا على جمعها حتى نحصنهـا
وحنا ليا اشتدت الأزمـة توصلنـا** على حلول العقود اللـي تهونهـا
وحنا ليا جاتنـا الغلطـة تحملنـا ** الاولـه نبلـع الغلطـه ونعلنهـا
وأن جاتنا الثانيـة .. لا ماتماهلنـا** بالسابقة نسحب الأخرى ونقرنهـا
وراعي الغلط بالغلط معقول ومثنى ** يلقي الحقايـق وبعيونـه يعاينهـا
نسمع بنبـح الكـلاب ولا تجننـا ** الكلب لـه حربـةٍ بكـره نسننهـا
من دون صهيون .. بذتنا صهاينـا **تكفر بالإسـلام وتركـز كماينهـا
الله يا الأنذال يقلع رمسكـم عنـا** اطماعكـم عندنـا بانـت بواينهـا
مع منكرين الصنع أمست محاسنا **سيات تحكي به العـدوان بألسنهـا
واليا تضايق غريب الـدار يزبنـا ** ندمغ له الروس وأن طالت نطمنها
لوهي تلين الجبـال الصـم مالنـا **على الحقوق ارتكينا في مماكنهـا